¹ Magistro chori. Ad modum cantici " Torcularia... ". Psalmus.David.
²Domine, Dominus noster,
quam admirabile est nomen tuum in universa terra,
quoniam elevata est magnificentia tua super caelos.
³Ex ore infantium et lactantium perfecisti laudem
propter inimicos tuos,
ut destruas inimicum et ultorem.
⁴Quando video caelos tuos, opera digitorum tuorum,
lunam et stellas, quae tu fundasti,
⁵quid est homo, quod memor es eius,
aut filius hominis, quoniam visitas eum?
⁶Minuisti eum paulo minus ab angelis,
gloria et honore coronasti eum
⁷et constituisti eum super opera manuum tuarum.
Omnia subiecisti sub pedibus eius:
⁸oves et boves universas,
insuper et pecora campi,
⁹volucres caeli et pisces maris,
quaecumque perambulant semitas maris.
¹⁰Domine, Dominus noster,
quam admirabile est nomen tuum in universa terra!

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc