¹ Magistro chori. Filiorum Core. Psalmus.
²Omnes gentes, plaudite manibus,
iubilate Deo in voce exsultationis,
³quoniam Dominus Altissimus, terribilis,
rex magnus super omnem terram.
⁴Subiecit populos nobis
et gentes sub pedibus nostris.
⁵Elegit nobis hereditatem nostram,
gloriam Iacob, quem dilexit.
⁶Ascendit Deus in iubilo,
et Dominus in voce tubae.
⁷Psallite Deo, psallite;
psallite regi nostro, psallite.
⁸Quoniam rex omnis terrae Deus,
psallite sapienter.
⁹Regnavit Deus super gentes,
Deus sedet super sedem sanctam suam.
¹⁰Principes populorum congregati sunt
cum populo Dei Abraham,
quoniam Dei sunt scuta terrae:
vehementer elevatus est.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc