¹ALLELUIA.
ALEPH. Beatus vir, qui timet Dominum,
BETH. in mandatis eius cupit nimis.
²GHIMEL. Potens in terra erit semen eius,
DALETH. generatio rectorum benedicetur.
³HE. Gloria et divitiae in domo eius,
VAU. et iustitia eius manet in saeculum saeculi.
⁴ZAIN. Exortum est in tenebris lumen rectis,
HETH. misericors et miserator et iustus.
⁵TETH. Iucundus homo, qui miseretur et commodat,
IOD. disponet res suas in iudicio,
⁶CAPH. quia in aeternum non commovebitur.
LAMED. In memoria aeterna erit iustus,
⁷MEM. ab auditione mala non timebit.
NUN. Paratum cor eius, sperans in Domino,
⁸SAMECH. confirmatum est cor eius, non timebit,
AIN. donec despiciat inimicos suos.
⁹PHE. Distribuit, dedit pauperibus;
SADE. iustitia eius manet in saeculum saeculi,
COPH. cornu eius exaltabitur in gloria.
¹⁰RES. Peccator videbit et irascetur,
SIN. dentibus suis fremet et tabescet.
TAU. Desiderium peccatorum peribit.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc