¹ Canticum ascensionum.
De profundis clamavi ad te, Domine;
²Domine, exaudi vocem meam.
Fiant aures tuae intendentes
in vocem deprecationis meae.
³Si iniquitates observaveris, Domine,
Domine, quis sustinebit?
⁴Quia apud te propitiatio est,
ut timeamus te.
⁵Sustinui te, Domine,
sustinuit anima mea in verbo eius;
speravit ⁶anima mea in Domino
magis quam custodes auroram.
Magis quam custodes auroram
⁷speret Israel in Domino,
quia apud Dominum misericordia,
et copiosa apud eum redemptio.
⁸Et ipse redimet Israel
ex omnibus iniquitatibus eius.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc