¹ Psalmus. David, cum fugit a filio suo Absalom.
²Domine, quid multiplicati sunt, qui tribulant me?
Multi insurgunt adversum me,
³multi dicunt animae meae:
“ Non est salus ipsi in Deo ”.
⁴Tu autem, Domine, protector meus es,
gloria mea et exaltans caput meum.
⁵Voce mea ad Dominum clamavi,
et exaudivit me de monte sancto suo.
⁶Ego obdormivi et soporatus sum,
exsurrexi, quia Dominus suscepit me.
⁷Non timebo milia populi circumdantis me.
Exsurge, Domine salvum me fac, Deus meus;
⁸quoniam tu percussisti in maxillam omnes adversantes mihi,
dentes peccatorum contrivisti.
⁹Domini est salus,
et super populum tuum benedictio tua.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc