¹Fidelis sermo: si quis episco patum appetit, bonum opus de siderat. ²Oportet ergo episcopum irreprehensibilem esse, unius uxoris virum, sobrium, prudentem, ornatum, hospitalem, doctorem, ³non vinolentum, non percussorem sed modestum, non litigiosum, non cupidum, ⁴suae domui bene praepositum, filios habentem in subiectione cum omni castitate ⁵— si quis autem domui suae praeesse nescit, quomodo ecclesiae Dei curam habebit? C, ⁶non neophytum, ne in superbia elatus in iudicium incidat Diaboli. ⁷Oportet autem illum et testimonium habere bonum ab his, qui foris sunt, ut non in opprobrium incidat et laqueum Diaboli.
⁸Diaconos similiter pudicos, non bilingues, non multo vino deditos, non turpe lucrum sectantes, ⁹habentes mysterium fidei in conscientia pura. ¹⁰Et hi autem probentur primum, deinde ministrent nullum crimen habentes. ¹¹Mulieres similiter pudicas, non detrahentes, sobrias, fideles in omnibus. ¹²Diaconi sint unius uxoris viri, qui filiis suis bene praesint et suis domibus; ¹³qui enim bene ministraverint, gradum sibi bonum acquirent et multam fiduciam in fide, quae est in Christo Iesu.
¹⁴Haec tibi scribo sperans venire ad te cito; ¹⁵si autem tardavero, ut scias quomodo oporteat in domo Dei conversari, quae est ecclesia Dei vivi, columna et firmamentum veritatis. ¹⁶Et omnium confessione magnum est pietatis mysterium:
Qui manifestatus est in carne,
iustificatus est in Spiritu,
apparuit angelis,
praedicatus est in gentibus,
creditus est in mumdo,
assumptus est in gloria.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc