¹ Magistro chori. Secundum " Ne destruxeris ".Psalmus. Asaph. Canticum.
²Confitebimur tibi, Deus;confitebimur et invocabimus nomen tuum:narrabimus mirabilia tua.
³Cum statuero tempus,ego iustitias iudicabo.
⁴Si liquefacta est terra et omnes, qui habitant in ea,ego confirmavi columnas eius.
⁵Dixi gloriantibus: “ Nolite gloriari! ”et delinquentibus: “Nolite exaltare cornu!
⁶Nolite exaltare in altum cornu vestrum;nolite loqui adversus Deum proterva ”.
⁷Quia neque ab oriente neque ab occidenteneque a desertis exaltatio.
⁸Quoniam Deus iudex est:hunc humiliat et hunc exaltat.
⁹Quia calix in manu Dominivini meri plenus mixto.Et inclinavit ex hoc in hoc;verumtamen usque ad faeces epotabunt,bibent omnes peccatores terrae.
¹⁰Ego autem annuntiabo in saeculum,cantabo Deo Iacob.
¹¹Et omnia cornua peccatorum confringam,et exaltabuntur cornua iusti.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc