¹ Magistro chori. Maskil. David,
²postquam Doeg Edomita ad Saul veniteique narravit dicens:" David intravit in domum Abimelech ".
³Quid gloriaris in malitia,qui potens es iniquitate?
⁴Tota die insidias cogitasti;lingua tua sicut novacula acuta, qui facis dolum.
⁵Dilexisti malitiam super benignitatem,mendacium magis quam loqui aequitatem.
⁶Dilexisti omnia verba perditionis, lingua dolosa.
⁷Propterea Deus destruet te in finem;evellet te et emigrabit te de tabernaculoet radicem tuam de terra viventium.
⁸Videbunt iusti et timebuntet super eum ridebunt:
⁹“ Ecce homo, qui non posuit Deum refugium suum,sed speravit in multitudine divitiarum suarumet praevaluit in insidiis suis ”.
¹⁰Ego autem sicut virens oliva in domo Dei.Speravi in misericordia Deiin aeternum et in saeculum saeculi.
¹¹Confitebor tibi in saeculum, quia fecisti;et exspectabo nomen tuum,quoniam bonum est, in conspectu sanctorum tuorum.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc