¹ALLELUIA.Confitemini Domino, quoniam bonus,quoniam in saeculum misericordia eius.
²Dicat nunc Israel, quoniam bonus,quoniam in saeculum misericordia eius.
³Dicat nunc domus Aaron,quoniam in saeculum misericordia eius.
⁴Dicant nunc, qui timent Dominum,quoniam in saeculum misericordia eius.
⁵De tribulatione invocavi Dominum,et exaudivit me educens in latitudinem Dominus.
⁶Dominus mecum,non timebo, quid faciat mihi homo.
⁷Dominus mecum adiutor meus,et ego despiciam inimicos meos.
⁸Bonum est confugere ad Dominumquam confidere in homine.
⁹Bonum est confugere ad Dominumquam confidere in principibus.
¹⁰Omnes gentes circuierunt me,et in nomine Domini excidi eos.
¹¹Circumdantes circumdederunt me,et in nomine Domini excidi eos.
¹²Circumdederunt me sicut apeset exarserunt sicut ignis in spinis,et in nomine Domini excidi eos.
¹³Impellentes impulerunt me, ut caderem,et Dominus adiuvit me.
¹⁴Fortitudo mea et laus mea Dominuset factus est mihi in salutem.
¹⁵Vox iubilationis et salutisin tabernaculis iustorum:“ Dextera Domini fecit virtutem!
¹⁶Dextera Domini exaltata est;dextera Domini fecit virtutem! ”.
¹⁷Non moriar, sed vivamet narrabo opera Domini.
¹⁸Castigans castigavit me Dominuset morti non tradidit me.
¹⁹Aperite mihi portas iustitiae;ingressus in eas confitebor Domino.
²⁰Haec porta Domini;iusti intrabunt in eam. -
²¹Confitebor tibi, quoniam exaudisti meet factus es mihi in salutem.
²²Lapidem quem reprobaverunt aedificantes,hic factus est in caput anguli;
²³a Domino factum est istudet est mirabile in oculis nostris.
²⁴Haec est dies, quam fecit Dominus:exsultemus et laetemur in ea.
²⁵O Domine, salvum me fac;o Domine, da prosperitatem!
²⁶Benedictus, qui venit in nomine Domini.Benedicimus vobis de domo Domini.
²⁷Deus Dominus et illuxit nobis.Instruite sollemnitatem in ramis condensisusque ad cornua altaris.
²⁸Deus meus es tu, et confitebor tibi,Deus meus, et exaltabo te.
²⁹Confitemini Domino, quoniam bonus,quoniam in saeculum misericordia eius.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc