¹David.Benedic, anima mea, Domino,et omnia, quae intra me sunt, nomini sancto eius.
²Benedic, anima mea, Dominoet noli oblivisci omnes retributiones eius.
³Qui propitiatur omnibus iniquitatibus tuis,qui sanat omnes infirmitates tuas;
⁴qui redimit de interitu vitam tuam,qui coronat te in misericordia et miserationibus;
⁵qui replet in bonis aetatem tuam:renovabitur ut aquilae iuventus tua.
⁶Faciens iustitias Dominuset iudicium omnibus iniuriam patientibus.
⁷Notas fecit vias suas Moysi,filiis Israel adinventiones suas. -
⁸Miserator et misericors Dominus,longanimis et multae misericordiae.
⁹Non in perpetuum contendetneque in aeternum irascetur.
¹⁰Non secundum peccata nostra fecit nobisneque secundum iniquitates nostras retribuit nobis.
¹¹Quoniam, quantum exaltatur caelum a terra,praevaluit misericordia eius super timentes eum;
¹²quantum distat ortus ab occidente,longe fecit a nobis iniquitates nostras.
¹³Quomodo miseretur pater filiorum,misertus est Dominus timentibus se.
¹⁴Quoniam ipse cognovit figmentum nostrum,recordatus est quoniam pulvis sumus.
¹⁵Homo: sicut fenum dies eius,tamquam flos agri sic efflorebit.
¹⁶Spirat ventus in illum, et non subsistet,et non cognoscet eum amplius locus eius.
¹⁷Misericordia autem Domini ab aeternoet usque in aeternum super timentes eum;et iustitia illius in filios filiorum,
¹⁸in eos, qui servant testamentum eiuset memores sunt mandatorum ipsius ad faciendum ea.
¹⁹Dominus in caelo paravit sedem suam,et regnum ipsius omnibus dominabitur.
²⁰Benedicite Domino, omnes angeli eius, potentes virtute, facientes verbumilliusin audiendo vocem sermonum eius.
²¹Benedicite Domino, omnes virtutes eius,ministri eius, qui facitis voluntatem eius.
²²Benedicite Domino, omnia opera eius,in omni loco dominationis eius.Benedic, anima mea, Domino.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc