¹Fili mi, ne obliviscaris legis meae,et praecepta mea cor tuum custodiat;
²longitudinem enim dierum et annos vitaeet pacem apponent tibi.
³Misericordia et veritas te non deserant;circumda eas gutturi tuoet describe in tabulis cordis tui,
⁴et invenies gratiam et successum bonumcoram Deo et hominibus.
⁵Habe fiduciam in Domino ex toto corde tuoet ne innitaris prudentiae tuae.
⁶In omnibus viis tuis cogita illum,et ipse diriget gressus tuos.
⁷Ne sis sapiens apud temetipsum;time Dominum et recede a malo.
⁸Sanitas quippe erit umbilico tuo,et irrigatio ossibus tuis.
⁹Honora Dominum de tua substantiaet de primitiis omnium frugum tuarum,
¹⁰et implebuntur horrea tua frumento,et vino torcularia tua redundabunt.
¹¹Disciplinam Domini, fili mi, ne abiciasnec asperneris, cum ab eo corriperis:
¹²quem enim diligit, Dominus corripitet quasi pater in filio complacet sibi.
¹³Beatus homo, qui invenit sapientiamet qui affluit prudentia:
¹⁴melior est acquisitio eius negotiatione argenti,et auro primo fructus eius.
¹⁵Pretiosior est cunctis gemmis,et omnia pretiosa tua huic non valent comparari;
¹⁶longitudo dierum in dextera eius,et in sinistra illius divitiae et gloria.
¹⁷Viae eius viae pulchrae,et omnes semitae illius pacificae.
¹⁸Lignum vitae est his, qui apprehenderint eam;et, qui tenuerit eam, beatus.
¹⁹Dominus sapientia fundavit terram,stabilivit caelos prudentia;
²⁰sapientia illius eruperunt abyssi,et nubes rorem stillant.
²¹Fili mi, ne effluant haec ab oculis tuis;custodi prudentiam atque consilium,
²²et erit vita animae tuae,et gratia collo tuo;
²³tunc ambulabis fiducialiter in via tua,et pes tuus non impinget.
²⁴Si dormieris, non timebis;quiesces, et suavis erit somnus tuus.
²⁵Ne paveas repentino terroreet irruentem tibi turbinem impiorum, cum venerit.
²⁶Dominus enim erit in latere tuoet custodiet pedem tuum, ne capiaris.
²⁷Noli prohibere beneficium ab eo, cui debetur,si in potestate manus tuae est, ut facias.
²⁸Ne dicas amico tuo: “ Vade et revertere,cras dabo tibi ”, cum statim possis dare.
²⁹Ne moliaris amico tuo malum,cum ille apud te sedeat cum fiducia.
³⁰Ne contendas adversus hominem frustra,cum ipse tibi nihil mali fecerit.
³¹Ne aemuleris hominem iniustumnec imiteris omnes vias eius,
³²quia abominatio Domini est omnis pravus,et cum simplicibus societas eius.
³³Maledictio a Domino in domo impii,habitacula autem iustorum benedicentur.
³⁴Ipse deludet illusoreset mansuetis dabit gratiam;
³⁵gloriam sapientes possidebunt,stultorum exaltatio ignominia.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc