¹Loquente Ephraim, horror factus est;dux erat in Israel.Et deliquit in Baalet mortuus est.
²Et nunc addunt ad peccandumfaciuntque sibi conflatile de argento suo,secundum intellegentiam suam simulacra;factura artificum totum est.“ His — ipsi dicunt — immolate! ”.Homines vitulos osculantur.
³Idcirco erunt quasi nubes matutinaet sicut ros matutinus praeteriens,sicut palea turbine rapta ex areaet sicut fumus de fumario.
⁴“ Ego autem Dominus, Deus tuusex terra Aegypti;et Deum absque me nescies,et salvator non est praeter me.
⁵Ego pavi te in deserto,in terra ardenti solitudinis.
⁶Iuxta pascua sua saturati suntet saturati elevaverunt cor suum,propterea obliti sunt mei.
⁷Et ego ero eis quasi leaena,sicut pardus iuxta viam insidiabor.
⁸Occurram eis quasi ursa, raptis catulis,et dirumpam claustrum cordis eorum:et consumam eos ibi quasi leo;bestia agri scindet eos.
⁹Perdo te, Israel;quis est auxiliator tuus?
¹⁰Ubinam est rex tuus,ut salvet te in omnibus urbibus tuis,et iudices tui, de quibus dixisti:“Da mihi regem et principes”?
¹¹Do tibi regem in furore meoet aufero in indignatione mea.
¹²Colligata est iniquitas Ephraim,absconditum peccatum eius.
¹³Dolores parturientis venient ei;erit filius non sapiens:suo enim tempore non stabitin ore vulvae.
¹⁴De manu inferni liberabo eos,de morte redimam eos?Ubi pestilentiae tuae, o mors?Ubi pestis tua, inferne?Consolatio abscondita est ab oculis meis ”.
¹⁵Dum ipse inter fratres fructificat,veniet ventus urens, ventus Dominide deserto ascendens,et siccabit venas eiuset desolabit fontem eius.Ipse diripiet thesaurum,omne vas desiderabile.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc