¹Et nunc haec dicit Dominus,qui creavit te, Iacob, et formavit te, Israel:“ Noli timere, quia redemi teet vocavi te nomine tuo; meus es tu.
²Cum transieris per aquas, tecum ero,et flumina non operient te;cum ambulaveris in igne, non combureris,et flamma non ardebit in te,
³quia ego Dominus Deus tuus,Sanctus Israel, salvator tuus:dedi propitiationem tuam Aegyptum,Aethiopiam et Saba pro te.
⁴Quoniam pretiosus factus es in oculis meiset gloriosus, ego diligo teet dabo homines pro teet populos pro anima tua.
⁵Noli timere, quoniam ego tecum sum:ab oriente adducam semen tuumet ab occidente congregabo te.
⁶Dicam aquiloni: “Da”et austro: “Noli prohibere;affer filios meos de longinquoet filias meas ab extremis terrae.
⁷Omnem, qui vocatur nomine meo,in gloriam meam creavi eum,formavi eum et feci eum”.
⁸Educ foras populum caecum, et oculos habentem,surdos, et aures eis sunt.
⁹Omnes gentes congregentur simul,et colligantur nationes:quis in eis annuntiabit istudet priora audire nos faciet?Dent testes suos et iustificenturet audiant et dicant: “Vere”.
¹⁰Vos testes mei, dicit Dominus,et servus meus, quem elegi,ut sciatis et credatis mihiet intellegatis quia ego ipse sum;ante me non est formatus Deuset post me non erit.
¹¹Ego, ego sum Dominus,et non est absque me salvator.
¹²Ego, annuntiavi et salvavi;auditum feci, et non fuit in vobis alienus;et vos testes mei, dicit Dominus,et ego Deus,
¹³iam ab initio ego ipse.Et non est qui de manu mea eruat; operabor, et quis avertet illud? ”.
¹⁴Haecdicit Dominus, redemptor vester,Sanctus Israel:“ Propter vos misi in Babylonemet detraxi fugitivos universoset Chaldaeos in navibus suis gloriantes.
¹⁵Ego Dominus, Sanctus vester,creans Israel, rex vester ”.
¹⁶Haec dicit Dominus,qui dedit in mari viamet in aquis torrentibus semitam;
¹⁷qui eduxit quadrigam et equum,agmen et robustum;simul iacuerunt nec resurgent,contriti sunt quasi linum et exstincti sunt.
¹⁸“ Ne memineritis priorumet antiqua ne intueamini:
¹⁹ecce ego facio nova,et nunc orientur: nonne cognoscitis ea?Utique ponam in deserto viamet in invio flumina.
²⁰Glorificabit me bestia agri,dracones et struthiones,quia dedi in deserto aquas,flumina in invio,ut darem potum populo meo, electo meo.
²¹Populum istum formavi mihi;laudem meam narrabunt.
²²Non me invocasti, Iacob;immo taedio mei affectus es, Israel.
²³Non obtulisti mihi agnos holocausti tuiet victimis tuis non glorificasti me;non te gravavi in oblationenec laborem tibi praebui in ture.
²⁴Non emisti mihi argento calamumet adipe victimarum tuarum non inebriasti me;verumtamen servire me fecisti in peccatis tuis,praebuisti mihi laborem in iniquitatibus tuis.
²⁵Ego, ego sum ipse, qui deleo iniquitates tuas propter meet peccatorum tuorum non recordabor.
²⁶Memorem me redde, iudicium agamus simul:narra, ut iustificeris.
²⁷Pater tuus primus peccavit,et interpretes tui praevaricati sunt in me;
²⁸et contaminavi principes sanctuarii,dedi ad internecionem Iacobet Israel in opprobrium ”.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc