¹Taceant ante me insulae,et gentes renovent fortitudinem;accedant et tunc loquantur,simul ad iudicium propinquemus.
²Quis suscitavit ab oriente eum,cuius gressum sequitur iustitia?Dabit in conspectu eius genteset subiciet ei reges,quos reddet quasi pulverem gladius eius,sicut stipulam vento raptam arcus eius.
³Persequetur eos, transibit in pace;semita sub pedibus eius non apparebit.
⁴Quis operatus est et fecit,vocans generationes ab exordio?Ego Dominus, primuset cum novissimis ego sum.
⁵Viderunt insulae et timuerunt,extrema terrae obstupuerunt,appropinquaverunt et accesserunt.
⁶Unusquisque proximo suo auxiliabituret fratri suo dicet: “ Confortare ”.
⁷Confortabit faber aurificem,percutiens malleo eum, qui cudit,dicens de glutino: “ Bonum est ”;et roborat eum clavis,ut non moveatur.
⁸Tu autem, Israel, serve meus,Iacob, quem elegi,semen Abraham amici mei,
⁹quem apprehendi ab extremis terrae,et a longinquis eius vocavi teet dixi tibi: “ Servus meus es tu;elegi te et non abieci te ”.
¹⁰Ne timeas, quia ego tecum sum;ne declines, quia ego Deus tuus:confortabo te et auxiliabor tibiet sustentabo te dextera iustitiae meae.
¹¹Ecce confundentur et erubescentomnes, qui irascuntur adversum te;erunt quasi non sintet peribunt viri, qui contradicunt tibi.
¹²Quaeres eos et non inveniesviros, qui rixantur tecum;erunt quasi non sint et veluti nihilum,viri bellantes adversum te.
¹³Quia ego Dominus Deus tuusapprehendens manum tuamdicensque tibi: “ Ne timeas;ego auxiliabor tibi.
¹⁴Noli timere, vermis Iacob,homines ex Israel.Ego auxiliabor tibi ”, dicit Dominuset redemptor tuus, Sanctus Israel.
¹⁵Ecce posui te quasi plaustrum triturans novum,habens rostra serrantia.Triturabis montes et comminueset colles quasi pulverem pones.
¹⁶Ventilabis eos, et ventus tollet eos,et turbo disperget eos;et tu exsultabis in Domino,in Sancto Israel laetaberis.
¹⁷Egeni et pauperes quaerunt aquas, et non sunt,lingua eorum siti aruit.Ego, Dominus, exaudiam eos,Deus Israel non derelinquam eos.
¹⁸Aperiam in decalvatis collibus fluminaet in medio vallium fontes;ponam desertum in stagna aquarumet terram aridam in rivos aquarum.
¹⁹Plantabo in deserto cedrum,acaciam et myrtum et lignum olivae;ponam in solitudine abietem,ulmum et cupressum simul,
²⁰ut videant et sciantet recogitent et intellegant pariterquia manus Domini fecit hoc,et Sanctus Israel creavit illud.
²¹Proferte causam vestram, dicit Dominus;afferte, si quid firmum habetis, dixit Rex Iacob.
²²Accedant et nuntient nobis, quaecumque ventura sunt.Priora, quae fuerunt, nuntiate,ut ponamus cor nostrum et sciamus novissima eorum;et, quae ventura sunt, indicate nobis.
²³Annuntiate, quae ventura sunt in futurum,ut sciamus quia dii estis vos;bene quoque aut male facite,ut inspiciamus et videamus simul.
²⁴Ecce vos estis nihilum,et opus vestrum nihil valet;abominatio est, qui eligit vos.
²⁵Suscitavi ab aquilone,et venit ab ortu solis;vocavi eum nomine;et conculcabit potentes quasi lutumet velut plastes calcans humum.
²⁶Quis annuntiavit ab exordio, ut sciamus,et a principio, ut dicamus: “ Iustum est ”?Non est neque annuntians neque praedicensneque audiens sermones vestros.
²⁷Primus ad Sion: Ecce adsunt;et Ierusalem laeta nuntiantem do.
²⁸Et vidi, et nemo erat,ex istis nullus consiliator,ut, si eos interrogarem,responderent verbum.
²⁹Ecce omnes iniquitas,vana opera eorum;ventus et inanesimulacra eorum.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc