¹Vae, qui praedaris, cum nemo te praedatus sit;qui devastas, cum nemo te devastaverit!Cum consummaveris depraedationem, depraedaberis;cum perfeceris devastationem, te devastabunt.
²Domine, miserere nostri,te enim exspectavimus;esto brachium nostrum in maneet salus nostra in tempore tribulationis.
³A voce fragoris fugerunt populi,ab exaltatione tua dispersae sunt gentes.
⁴Et congregabuntur spolia, sicut colligitur bruchus;sicut discurrunt locustae, ad ea discurritur.
⁵Sublimis est Dominus, quoniam habitat in excelso;implet Sion iudicio et iustitia.
⁶Et erit firmitas in temporibus tuis;divitiae salutis sapientia et scientia:timor Domini ipse est thesaurus eius.
⁷Ecce praecones clamabunt foris,angeli pacis amare flebunt.
⁸Dissipatae sunt viae, cessavit transiens per semitam;irritum fecit pactum,reiecit testes,non reputavit homines.
⁹Luget et elanguescit terra,confusus est Libanus et obsorduit,et factus est Saron sicut desertum,et exaruerunt Basan et Carmelus.
¹⁰“ Nunc consurgam, dicit Dominus,nunc exaltabor, nunc sublevabor.
¹¹Concipietis fenum, parietis stipulam;spiritus meus ut ignis vorabit vos.
¹²Et erunt populi fornaces calcis:spinae congregatae igne comburentur.
¹³Audite, qui longe estis, quae fecerim,et cognoscite, vicini, fortitudinem meam ”.
¹⁴Conterriti sunt in Sion peccatores,possedit tremor impios.Quis poterit habitare de vobis cum igne devorante?Quis habitabit ex vobis cum ardoribus sempiternis?
¹⁵Qui ambulat in iustitiis et loquitur aequitates,qui reicit lucra ex rapiniset excutit manus suas, ne munera accipiat,qui obturat aures suas, ne audiat sanguinem,et claudit oculos suos, ne videat malum:
¹⁶iste in excelsis habitabit,munimenta saxorum refugium eius;panis ei datus est, aquae eius fideles sunt.
¹⁷Regem in decore suo videbunt oculi tui,cernent terram longinquam.
¹⁸Cor tuum cum timore inquiret:“ Ubi est scriba? Ubi ponderator?Ubi computator turrium? ”.
¹⁹Populum impudentem non videbis,populum profundi sermonis, ininterpretabilis,linguae barbarae absque intellegentia.
²⁰Respice Sion civitatem sollemnitatum nostrarum!Oculi tui videbunt Ierusalem,habitationem securam,tabernaculum quod nequaquam transferri poterit;nec auferentur clavi eius in sempiternum,et omnes funiculi eius non rumpentur.
²¹Quia ibi potens Dominus pro nobisloco fluviorum, rivorum late patentium;non transibit ibi navis remigum,neque navis magna transgredietur eum.
²²Dominus enim iudex noster, Dominus legifer noster,Dominus rex noster: ipse salvabit nos.
²³Laxati sunt funiculi tuinec sustinent malum suum,ut dilatare velum non queant.Tunc divident caeci praedam multam;claudi diripient rapinam.
²⁴Nec dicet incola: “ Elangui ”.Populus, qui habitat in ea,auferetur ab eo iniquitas.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc