¹Oraculum deserti maris.Sicut turbines per austrum transeuntes,de deserto venit, de terra horribili.
²Visio dura nuntiata est mihi:praedo praedatur,et vastator vastat.Ascende, Elam;obside, Media;omnem gemitum eius cessare feci.
³Propterea repleti sunt lumbi mei tremore,angustia possedit me sicut angustia parientis;corrui, cum audirem;conturbatus sum, cum viderem.
⁴Vacillat cor meum,pavor invadit me:crepusculum optatumposuit mihi in terrorem.
⁵Ponunt mensam,stragulum pandunt, comedunt, bibunt.Surgite, principes,ungite clipeum.
⁶Haec enim dixit mihi Dominus:“ Vade et pone speculatorem;quodcumque viderit, annuntiet.
⁷Si viderit currum, bigam equitum,ascensorem asini et ascensorem cameli,intueatur diligenter multo intuitu ”.
⁸Et clamavit speculator:“ Super specula, Domine,ego sum stans iugiter per diem,et super custodiam meamego sum stans totis noctibus.
⁹Ecce, huc venit agmen virorum,biga equitum ”.Et respondit et dixit:“ Cecidit, cecidit Babylon,et omnia sculptilia deorum eiuscontrita sunt in terram ”.
¹⁰Tritura mea et fili areae meae,quae audivi a Domino exercituum, Deo Israel,annuntiavi vobis.
¹¹Oraculum Duma.Ad me clamat ex Seir:“ Custos, quid de nocte?Custos, quid de nocte? ”.
¹²Dixit custos:“ Venit mane, sed etiam nox;si quaeritis, quaerite,revertimini, venite ”.
¹³Oraculum in solitudine.In saltu, in solitudine dormietis,turmae Dedanim.
¹⁴Occurrentes sitienti ferte aquam,qui habitatis terram Thema;cum panibus occurrite fugienti:
¹⁵a facie enim gladiorum fugerunt,a facie gladii nudati,a facie arcus extenti,a facie gravis proelii.
¹⁶Quoniam haec dicit Dominus ad me: “ Adhuc anno sicut anni mercennarii, etauferetur omnis gloria Cedar;
¹⁷et reliquiae numeri arcuum fortium filiorumCedar imminuentur; Dominus enim, Deus Israel, locutus est ”.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc