¹Oraculum Moab.Quia nocte vastata est Ar moab, conticuit;quia nocte vastata est Cirmoab, conticuit.
²Ascendit filia Dibon ad excelsa in planctum;super Nabo et super Medaba Moab ululavit;in cunctis capitibus eius calvitium, omnis barba rasa.
³In triviis eius accincti sunt sacco;super tecta eius et in plateis eiusomnes ululant, prorumpunt in fletum.
⁴Clamat Hesebon et Eleale,usque Iasa auditur vox eorum;super hoc expediti Moab fremunt,anima eius fremit sibi.
⁵Cor meum super Moab clamat,vectes eius usque ad Segor, Eglatselisiam;per ascensum enim Luith flentes ascenduntet in via Oronaim clamorem contritionis levant.
⁶Aquae enim Nemrim desertae erunt,quia aruit herba, defecit germen,viror omnis interiit.
⁷Ideo supellectiles colligunt, copias divitiarum suastrans torrentem Salicum ducunt.
⁸Quoniam circuivit clamor terminum Moab;usque ad Eglaim ululatus eius,et usque ad Beerelim clamor eius.
⁹Quia aquae Dimon repletae sunt sanguine;ponam enim super Dimon additamentahis, qui fugerint de Moab leonem, et reliquiis terrae.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc