¹Noli facere mala, et mala non te apprehendent;
²discede ab iniquitate, et deficiet abs te.
³Fili, non semines in sulcis iniustitiaeet non metes ea in septuplum.
⁴Noli quaerere a Domino ducatumneque a rege cathedram honoris.
⁵Non te iustifices ante Deum,quoniam agnitor cordis ipse est;et penes regem noli velle videri sapiens.
⁶Noli quaerere fieri iudex,nisi valeas virtute irrumpere iniquitates;ne forte extimescas faciem potentiset ponas scandalum in aequitate tua.
⁷Non pecces in multitudinem civitatisnec te immittas in populum.
⁸Neque alliges duplicia peccata;nec enim in uno eris immunis.
⁹Noli esse pusillanimis in oratione tua;
¹⁰exorare et facere eleemosynam ne despicias.
¹¹Ne dicas: “ In multitudine munerum meorum respiciet Deuset, offerente me Deo altissimo, munera mea suscipiet ”.
¹²Non irrideas hominem in amaritudine animae;est enim, qui humiliat et exaltat, circumspector Deus.
¹³Noli arare mendacium adversus fratrem tuumneque in amicum similiter facias.
¹⁴Noli velle mentiri omne mendacium,assiduitas enim illius non est bona.
¹⁵Noli verbosus esse in multitudine presbyterorumet non iteres verbum in oratione tua.
¹⁶Non oderis laboriosa operaet rusticationem creatam ab Altissimo.
¹⁷Non te reputes in multitudine indisciplinatorum;
¹⁸memento irae, quoniam non tardabit.
¹⁹Humilia valde spiritum tuum,quoniam vindicta carnis impii ignis et vermis.
²⁰Noli commutare amicum cum pecunianeque fratrem carissimum cum auro Ophir.
²¹Noli discedere a muliere sensata et bona,quam sortitus es in timore Domini;gratia enim verecundiae illius super aurum.
²²Non laedas servum operantem in veritateneque mercennarium dantem animam suam.
²³Servus sensatus sit tibi dilectus quasi anima tua;non defraudes illum libertateneque inopem derelinquas illum.
²⁴Pecora tibi sunt? Attende illis,et, si sunt utilia, perseverent apud te.
²⁵Filii tibi sunt? Erudi illoset curva a pueritia cervicem illorum.
²⁶Filiae tibi sunt? Serva corpus illarumet non ostendas hilarem faciem tuam ad illas.
²⁷Trade filiam, et grande opus feceris,et homini sensato da illam.
²⁸Mulier si est tibi secundum animam tuam, non proicias illam,sed odibili non credas teipsum.In toto corde tuo
²⁹honora patrem tuumet gemitus matris tuae ne obliviscaris.
³⁰Memento quoniam, nisi per illos, natus non fuisses;et quid retribues illis, quomodo et illi tibi?
³¹In tota anima tua time Dominumet sacerdotes illius sanctifica.
³²In omni virtute tua dilige eum, qui te fecit,et ministros eius ne derelinquas.
³³Honora Deum ex tota anima tuaet honorifica sacerdotes.
³⁴Da illis partem, sicut mandatum est tibi,primitiarum et purgationis et de neglegentia
³⁵et armum in oblationemet sacrificium sanctificationis et primitias sanctorum.
³⁶Et pauperi porrige manum tuam,ut perficiatur propitiatio et benedictio tua.
³⁷Gratia dati in conspectu omnis viventis,sed et mortuo non prohibeas gratiam.
³⁸Non desis plorantibus in consolationeet cum lugentibus luge.
³⁹Non te pigeat visitare infirmum,ex his enim in dilectione firmaberis.
⁴⁰In omnibus operibus tuis memorare novissima tuaet in aeternum non peccabis.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc