¹Oratio Iesu filii Sirach.“ Confitebor tibi, Domine rex; et collaudabo te Deum salvatorem meum.
²Confitebor nomini tuo,quoniam adiutor et protector factus es mihi
³et liberasti corpus meum a perditione,a laqueo linguae iniquaeet a labiis operantium mendacium,et in conspectu insurgentium factus es mihi adiutor.
⁴Et liberasti me,secundum magnitudinem misericordiae et nominis tui,a laqueis praeparatis ad escam,
⁵de manibus quaerentium animam meamet de multis tribulationibus, quae circumdederunt me,
⁶a pressura flammae, quae circumdedit me,et de medio ignis, ubi non sum aestuatus;
⁷de altitudine ventris inferiet a lingua coinquinata et a verbo mendacii,a iaculo linguae iniustae.
⁸Appropinquavit usque ad mortem anima mea,
⁹et vita mea appropinquans erat in inferno deorsum.
¹⁰Circumdederunt me undique, et non erat qui adiuvaret;respiciens eram ad adiutorium hominum, et non erat.
¹¹Memoratus autem sum misericordiae tuae, Domine,et operationis tuae, quae a saeculo est,
¹²quoniam eruis sustinentes te, Domine,et liberas eos de manibus iniquorum.
¹³Exaltavi de terra supplicationem meamet pro morte defluente deprecatus sum.
¹⁴Invocavi Dominum: “Pater meus es tu,ne derelinquas me in die tribulationis meaeet in tempore superborum sine adiutorio.
¹⁵Laudabo nomen tuum assidueet collaudabo illud in confessione”.Et exaudita est oratio mea.
¹⁶Et liberasti me de perditioneet eripuisti me de tempore iniquo.
¹⁷Propterea confitebor et laudem dicam tibiet benedicam nomini Domini.
¹⁸Cum adhuc iunior essem, priusquam oberrarem,quaesivi sapientiam palam in oratione mea;
¹⁹ante templum postulabam pro illaet usque in novissimis inquiram eam,et effloruit tamquam praecox uva.
²⁰Laetatum est cor meum in ea,ambulavit pes meus iter rectum;a iuventute mea investigabam eam.
²¹Inclinavi modice aurem meam et excepi illam
²²et multam inveni mihimetipsi sapientiamet multum profeci in ea:
²³danti mihi sapientiam dabo gloriam.
²⁴Consiliatus sum enim, ut facerem illam;et quaesivi bonum et non confundar.
²⁵Colluctata est anima mea in illa,et in faciendo legem diligens fui.
²⁶Manus meas extendi in altumet incognoscibilia eius intellexi.
²⁷Animam meam direxi ad illamet in purificatione inveni eam.
²⁸Possedi cum ipsa cor ab initio;propter hoc non derelinquar.
²⁹Venter meus conturbatus est quaerendo illam;propterea bonam possedi possessionem.
³⁰Dedit mihi Dominus linguam mercedem meam,et in ipsa laudabo eum.
³¹Appropiate ad me, indocti,et congregate vos in domo disciplinae.
³²Quid adhuc retardatis in his,dum animae vestrae sitiunt vehementer?
³³Aperui os meum et locutus sum:“Comparate vobis sine argento
³⁴et collum vestrum subicite iugo,et suscipiat anima vestra disciplinam:in proximo est enim invenire eam.
³⁵Videte oculis vestris quia modicum laboraviet inveni mihi multam requiem.
³⁶Assumite disciplinam in multo numero argentiet copiosum aurum possidete in ea.
³⁷Laetetur anima vestra in misericordia eius,et non confundemini in laude ipsius.
³⁸Operamini opus vestrum ante tempus,et dabit vobis mercedem vestram in tempore suo” ”.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc