¹Ne innitaris possessionibus tuiset ne dixeris: “ Est mihi sufficiens vita ”.
²Ne sequaris fortitudinem tuam,ut ambules in concupiscentiis cordis tui,
³et ne dixeris: “ Quis praevalebit in me? ”aut “ Quis me subiciet propter facta mea? ”.Deus enim vindicans vindicabit.
⁴Ne dixeris: “ Peccavi, et quid mihi accidit triste? ”.Altissimus enim est patiens redditor.
⁵De propitiato peccato noli esse sine metuneque adicias peccatum super peccatum
⁶et ne dicas: “ Miseratio Domini magna est,multitudinis peccatorum meorum miserebitur ”;
⁷misericordia enim et ira ab illo cito proximant,et super peccatores requiescit ira illius.
⁸Non tardes converti ad Dominumet ne differas de die in diem.
⁹Subito enim veniet ira illius,et in tempore vindictae abripieris.
¹⁰Ne innitaris divitiis iniustis,nihil enim proderunt in die calamitatis.
¹¹Non ventiles in omnem ventumet non eas in omnem viam;sic enim omnis peccator probatur in duplici lingua.
¹²Esto firmus in sensu tuoet in veritate sensus tui et scientia;et prosequatur te verbum pacis et iustitiae.
¹³Esto velox ad audiendum verbum, ut intellegaset cum tarditate proferas responsum.
¹⁴Si est tibi intellectus, responde proximo;sin autem, sit manus tua super os tuum,ne capiaris in verbo indisciplinato et confundaris.
¹⁵Honor et ignominia in sermone;lingua vero homini subversio est ipsius.
¹⁶Non appelleris susurro,et lingua tua ne calumnieris.
¹⁷Super furem enim est confusio,et denotatio pessima super bilinguem,susurratori autem odium et inimicitia et contumelia.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc