¹Post hunc surrexit Nathanpropheta in diebus David.
²Et quasi adeps separatus a sacrificio salutari,sic David a filiis Israel.
³Cum leonibus lusit quasi cum agniset in ursis similiter fecit, sicut in agnis ovium.
⁴In iuventute sua numquid non occidit gigantemet abstulit opprobrium de gente?
⁵In agitando manu fundamdeiecit exsultationem Goliath.
⁶Nam invocavit Dominum altissimum,et dedit in dextera eius virtutemtollere hominem fortem in belloet exaltare cornu gentis suae.
⁷Sic de decem milibus glorificaverunt eumet laudaverunt eum in benedictionibus Domini,in offerendo illi coronam gloriae.
⁸Contrivit enim inimicos undiqueet humiliavit Philisthim contrarios,usque in hodiernum diem contrivit cornu ipsorum.
⁹In omni opere suo dedit confessionemSancto et Excelso in verbo gloriae;
¹⁰de omni corde suo laudavit Dominumet dilexit Deum, qui fecit illum.
¹¹Et stare fecit cantores contra altareet in sono eorum dulces fecit modos.
¹²Dedit in celebrationibus decuset ornavit tempora usque ad consummationem anni,dum laudarent nomen sanctum Domini,et ante mane resonaret sanctuarium.
¹³Dominus purgavit peccata ipsiuset exaltavit in aeternum cornu eius et dedit illi testamentum regniet sedem gloriae in Israel.
¹⁴Post ipsum surrexit filius sensatus,et propter illum habitavit in securitate.
¹⁵Salomon imperavit in diebus pacis;cui Deus requiem dedit in circuitu,ut conderet domum in nomine suo et pararet sanctuarium in sempiternum.Quemadmodum eruditus es in iuventute tua
¹⁶et impletus es quasi flumensapientia!Terram retexit anima tua,
¹⁷et replesti eam in comparationibus aenigmatum.Ad insulas longe divulgatum est nomen tuum,et dilectus es in pace tua.
¹⁸In cantilenis et proverbiiset comparationibus et interpretationibuste miratae sunt terrae.
¹⁹In nomine Domini Dei,cui est cognomen Deus Israel,
²⁰collegisti quasi orichalcum aurumet ut plumbum cumulasti argentum.
²¹Sed reclinasti femora tua mulieribus,subiugatus es in corpore tuo.
²²Dedisti maculam in gloria tuaet profanasti semen tuum,inducens iracundiam ad liberos tuoset ingemiscere faciens super stultitia tua,
²³ut fieret imperium bipartitum,et ex Ephraim inciperet imperium infidele.
²⁴Deus autem non derelinquet misericordiam suamet non corrumpet nec delebit verba suaneque perdet a stirpe nepotes electi suiet semen eius, qui diligit Dominum, non corrumpet.
²⁵Dedit autem reliquum Iacobet David de ipso stirpem.
²⁶Et finem habuit Salomon cum patribus suis
²⁷et dereliquit post se de semine suogentis stultitiam
²⁸et imminutum prudentia,Roboam, qui avertit gentem consilio suo.
²⁹Et Ieroboam filius Nabat, qui peccare fecit Israelet dedit viam peccandi Ephraim;et plurima redundaverunt peccata ipsorum valde,
³⁰ita ut expelleret illos a terra sua.
³¹Et exquisierunt omnes nequitias,usque dum perveniret super illos vindicta.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc