¹Fortis in bello Iesus filius Nun,successor Moysi in prophetis,qui fuit secundum nomen suum
²maximus in salutem electorum Dei,qui vindicet in insurgentes hostes,ut heredem faciat Israel.
³Quam gloriam adeptus est in tollendo manus suaset iactando contra civitatem acinacem!
⁴Quis ante illum restitit?Nam bella Domini ipse perduxit.
⁵An non in manu eius impeditus est sol,et una dies facta est quasi duo?
⁶Invocavit Altissimum potentemin oppugnando inimicos undique;et audivit illum magnus Dominusin saxis grandinis virtutis valde fortis.
⁷Impetum fecit contra gentem hostilemet in descensu perdidit contrarios,
⁸ut cognoscant gentes armaturam eius,quia contra Deum bellum eorum est:etenim secutus est a tergo Potentis.
⁹Et in diebus Moysi misericordiam fecit,ipse et Chaleb filius Iephonne,stare contra congregationem,prohibere gentem a peccatiset perfringere murmur malitiae.
¹⁰Ideo et ipsi duo liberati sunta numero sescentorum milium peditum,ut inducerent illos in hereditatem,in terram, quae manat lac et mel.
¹¹Et dedit Dominus ipsi Chaleb fortitudinem,et usque in senectutem permansit illi,ut ascenderet in excelsum terrae locum;et semen ipsius obtinuit hereditatem,
¹²ut viderent omnes filii Israelquia bonum est obsequi Domino.
¹³Et iudices singuli suo nomine,quorum non est corruptum cor,qui non aversi sunt a Domino:
¹⁴sit memoria illorum in benedictione, et ossa eorum pullulent de loco suo,
¹⁵et nomen eorum renovetfiliis illorum sanctorum virorum.
¹⁶Dilectus a Domino suo Samuelpropheta Domini instituit imperiumet unxit principes in gente sua.
¹⁷In lege Domini congregationem iudicavit,et visitavit Deus Iacob,et in fide sua probatus est propheta;
¹⁸et cognitus est in verbis suis fidelis in visione.
¹⁹Et invocavit Dominum omnipotentem,in oppugnando hostes circumstantes undique,in oblatione agni lactentis.
²⁰Et intonuit de caelo Dominuset in sonitu magno auditam fecit vocem suam
²¹et contrivit principes Tyriorumet omnes duces Philisthim.
²²Et ante tempus dormitionis aeternaetestimonium praebuit in conspectu Domini et christi eius:“ Pecunias et usque ad calceamentaab omni carne non accepi ”;et non accusavit illum homo.
²³Et, postquam dormivit, prophetavitet notum fecit regi et ostendit illi finem vitae suaeet exaltavit vocem suam de terra in prophetiaad delendam impietatem gentis.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc