¹Occupatio magna creata est omnibus hominibus,et iugum grave super filios Adama die exitus de ventre matris eorumusque in diem reditus in matrem omnium:
²cogitationes eorum et timores cordis,adinventio exspectationis, dies finitionis.
³A residente super sedem gloriosam,usque ad humiliatum in terra et cinere;
⁴ab eo, qui portat hyacinthum et coronam,usque ad eum, qui operitur lino crudo:furor, zelus, tumultus, fluctuatioet timor mortis et iracundia perseverans et contentio.
⁵Et in tempore requiei in cubilisomnus noctis immutat scientiam eius.
⁶Modicum tamquam nihil in requie,et ab eo in somnis quasi in die laborat
⁷conturbatus in visu cordis suitamquam qui evaserit a facie belli;in tempore somni necessarii exsurrexitet admirans ad nullum timorem.
⁸Cum omni carne ab homine usque ad pecus;et super peccatores septuplum amplius:
⁹ad haec mors, sanguis, contentio et romphaea,oppressiones, fames et contritio et flagella.
¹⁰Super iniquos creata sunt haec omnia,et propter illos factus est cataclysmus.
¹¹Omnia, quae de terra sunt, in terram convertentur,et omnia, quae de aquis sunt, in mare revertentur.
¹²Omne munus corruptionis et iniquitas delebitur,et fides in saeculum stabit.
¹³Substantiae iniustorum sicut fluvius siccabunturet sicut tonitruum magnum in pluvia evanescent.
¹⁴In aperiendo manus suas laetabitur,sic praevaricatores in consummationem deficient.
¹⁵Nepotes impiorum non multiplicabunt ramos,et radices immundae super cacumen petrae.
¹⁶Viriditas super omnem aquam et ad oram fluminisante omne fenum evelletur.
¹⁷Gratia sicut paradisus in benedictionibus,et eleemosyna in saeculum permanet.
¹⁸Vita sibi sufficientis et operarii condulcabitur,et super utrumque, eius qui inveniet thesaurum.
¹⁹Filii et aedificatio civitatis confirmant nomen,et super haec mulier immaculata computabitur.
²⁰Vinum et musica laetificant cor,et super utraque dilectio sapientiae.
²¹Tibiae et psalterium suavem faciunt melodiam,et super utraque lingua suavis.
²²Gratiam et speciem desiderabit oculus,et super haec virides sationes.
²³Amicus et sodalis in tempore convenientes,et super utrosque mulier cum viro.
²⁴Fratres et adiutorium in tempore tribulationis,et super utraque eleemosyna liberabit.
²⁵Aurum et argentum firmant pedem,et super utrumque consilium acceptum habetur.
²⁶Facultates et virtutes exaltant cor,et super haec timor Domini.
²⁷Non est in timore Domini minoratio,et non est super eo inquirere adiutorium.
²⁸Timor Domini sicut paradisus benedictionis,et super omnem gloriam obumbratio eius.
²⁹Fili, in tempore vitae tuae ne indigeas;melius est enim mori quam indigere.
³⁰Vir respiciens in mensam alienam,non est vita eius in computatione vitae.Contaminat enim animam suam cibis alienis;
³¹vir autem disciplinatus et eruditus custodiet se.
³²In ore impudentis condulcabitur mendicatio,et in ventre eius ignis ardebit.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc