¹Fili, eleemosynam pauperis ne defraudeset oculos tuos ne transvertas a paupere.
²Animam esurientem ne contristaveriset non exasperes pauperem in inopia sua.
³Cor inopis ne afflixeriset non protrahas datum angustianti.
⁴Rogationem contribulati ne abiciaset non avertas faciem tuam ab egeno.
⁵Ab inope ne avertas oculos tuos propter iramet non des ei locum tibi retro maledicendi;
⁶maledicentis enim tibi in amaritudine animae,exaudietur precatio illius:exaudiet autem eum, qui fecit illum.
⁷Congregationi affabilem te facitoet presbytero humilia animam tuamet magnato humilia caput tuum.
⁸Declina pauperi sine tristitia aurem tuamet redde debitum tuumet responde illi pacifica in mansuetudine.
⁹Libera eum, qui iniuriam patitur, de manu opprimentis eumet non acide feras in anima tua in iudicando.
¹⁰Esto pupillis misericors ut pateret pro viro matri illorum;
¹¹et eris velut filius Altissimi oboediens,et miserebitur tui magis quam mater.
¹²Sapientia filiis suis vitam inspiravitet suscipit inquirentes se.
¹³Qui illam diligit, diligit vitam;et, qui vigilaverint ad illam, complectentur placorem a Domino.
¹⁴Qui tenuerint illam, gloriam hereditabunt,et, quo introibit, benedicet Deus.
¹⁵Qui serviunt ei, obsequentes erunt Sancto,et eos, qui diligunt illam, diligit Deus.
¹⁶Qui audit illam, iudicabit gentes;et, qui intuetur illam, permanebit confidens.
¹⁷Si crediderit ei, hereditabit illam,et erunt in possessione generationes illius.
¹⁸Quoniam in simulatione ambulat cum eoet in primis explorat eum,
¹⁹timorem et tremorem inducet super illumet probabit illum in tentatione doctrinae suae,donec ipse teneat eam in cogitationibus suiset credat animae illius.
²⁰Et redibit recta ad illum et firmabit illumet laetificabit illum
²¹et denudabit illi absconsa suaet thesaurizabit super illum scientiam et intellectum iustitiae.
²²Si autem oberraverit, derelinquet eumet tradet eum in manus inimici sui.
²³Fili, observa tempus et devita a malo
²⁴et pro anima tua ne confundaris;
²⁵est enim confusio adducens peccatum,et est confusio adducens gloriam et gratiam.
²⁶Ne accipias faciem adversus animam tuamnec adversus animam tuam mendacium.
²⁷Ne reverearis proximum tuum in casu suo
²⁸nec retineas verbum in tempore suo;non abscondas sapientiam tuam in decorem.
²⁹In verbo enim agnoscitur sapientia,et sensus in responsione linguae.
³⁰Non contradicas verbo veritatis ullo modoet de ineruditione tua confundere.
³¹Non confundaris confiteri peccata tuaet ne subicias te omni homini pro peccato.
³²Noli resistere contra faciem potentisnec coneris contra ictum fluvii.
³³Usque ad mortem agonizare pro iustitia,et Deus expugnabit pro te inimicos tuos.
³⁴Noli citatus esse in lingua tuaet pavidus et remissus in operibus tuis.
³⁵Noli esse sicut leo in domo tuaevertens domesticos tuos et opprimens subiectos tibi.
³⁶Non sit porrecta manus tua ad accipiendumet ad dandum collecta.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc