¹Qui autem accommodat animam suam ad timorem Deiet in lege Altissimi meditatur,sapientiam omnium antiquorum exquiretet in prophetiis vacabit.
²Narrationem virorum nominatorum conservabitet in versutias parabolarum simul introibit.
³Occulta proverbiorum exquiretet in absconditis parabolarum conversabitur.
⁴In medio magnatorum ministrabitet in conspectu principum apparebit.
⁵In terram alienigenarum gentium pertransiet;bona enim et mala in hominibus tentabit.
⁶Cor suum tradet ad vigilandum dilucuload Dominum, qui fecit illum,et in conspectu Altissimi deprecabitur.
⁷Aperiet os suum in orationeet pro delictis suis deprecabitur.
⁸Si enim Dominus magnus voluerit,spiritu intellegentiae replebitur.
⁹Ipse tamquam imbres mittet eloquia sapientiae suaeet in oratione confitebitur Domino.
¹⁰Et ipse diriget consilium et disciplinamet in absconditis eius considerabit.
¹¹Ipse palam faciet disciplinam doctrinae suaeet in lege testamenti Domini gloriabitur.
¹²Collaudabunt multi sapientiam eius,et usque in saeculum non delebitur.
¹³Non recedet memoria eius,et nomen eius requiretur a generatione in generationem;
¹⁴sapientiam eius enarrabunt gentes,et laudem eius enuntiabit ecclesia.
¹⁵Si permanserit, nomen derelinquet plus quam mille,et, si requieverit, proderit sibi.
¹⁶Adhuc meditabor et enarrabo;ut luna die duodecimo repletus sum.
¹⁷Obaudite me, filii pii,et quasi rosa plantata super rivos aquarum florebit caro vestra;
¹⁸quasi libanus odorem suavitatis habete,
¹⁹florete flores quasi lilium.Date vocem et collaudate canticumet benedicite Dominum in omnibus operibus suis.
²⁰Date nomini eius magnificentiamet confitemini illi in laudatione eiuset in canticis labiorum et citharis;et sic dicetis in confessione:
²¹“ Opera Domini universa bona valde,et omne, quod praecepit, tempore suo erit! ”.Non est dicere: “ Quid est hoc? ” aut “ Ad quid istud? ”;omnia enim in tempore suo conquirentur.
²²In verbo eius stetit aqua sicut congeries,et in sermone oris illius exceptoria aquarum;
²³quoniam in praecepto ipsius placor fit,et non est minoratio in salutare ipsius.
²⁴Opera omnis carnis coram illo,et non est quidquam absconditum ab oculis eius.
²⁵A saeculo usque in saeculum respicit,et nihil est mirabile in conspectu eius.
²⁶Non est dicere: “ Quid est hoc! ” aut “ Ad quid istud? ”;omnia enim in usum suum creata sunt.
²⁷Benedictio illius quasi fluvius inundavit
²⁸et sicut cataclysmus aridam inebriavit.Sic ira ipsius gentes, quae non exquisierunt eum, disperdet,
²⁹quomodo convertit aquas in salsuginem.Viae illius sanctis directae sunt;sic peccatoribus offensiones in ira eius.
³⁰Bona bonis creata sunt ab initio,sic peccatoribus bona et mala.
³¹Primum necessaria vitae hominum aqua, ignis et ferrum,sal, lac et panis similagineus et mel et sanguis uvae et oleum et vestimentum:
³²haec omnia sanctis in bona,sic et impiis et peccatoribus in mala convertentur.
³³Sunt spiritus, qui ad vindictam creati suntet in furore suo confirmaverunt tormenta sua;
³⁴in tempore consummationis effundent virtutemet furorem eius, qui fecit illos, placabunt:
³⁵ignis, grando, fames et mors,omnia haec ad vindictam creata sunt;
³⁶bestiarum dentes et scorpii et serpenteset romphaea vindicans in exterminium impios:
³⁷in mandatis eius gaudebuntet super terram in necessitates praeparabunturet in temporibus suis non praeterient verbum.
³⁸Propterea ab initio confirmatuset consiliatus sum et cogitavi et scriptis mandavi:
³⁹“ Opera Domini omnia bona,et omnem usum hora sua subministrabit ”.
⁴⁰Non est dicere: “ Hoc illo nequius est ”:omnia enim in tempore suo comprobabuntur.
⁴¹Et nunc in omni corde et ore collaudateet benedicite nomen Domini.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc