¹Exue te, Ierusalem, stola luctus et vexationis tuaeet indue te decore eius,quae a Deo tibi data est gloriae in aeternum.
²Circumda te diploide iustitiae, quae a Deo est,et impone mitram capiti tuo gloriae Aeterni.
³Deus enim ostendet omni, quod sub caelo est,splendorem tuum.
⁴Vocabitur enim nomen tuum a Deo in aeternum:Pax iustitiae et Gloria culturae Dei.
⁵Surge, Ierusalem, et sta in excelsoet circumspice ad orientem et vide congregatos filios tuosa solis ortu usque ad occasumverbo Sancti, gaudentes in memoria Dei.
⁶Exierunt enim abs te pedites abducti ab inimicis;inducet autem illos ad teportatos cum gloria sicut thronum regni;
⁷constituit enim Deus humiliareomnem montem excelsum et rupes perenneset convalles implere ad aequalitatem terrae,ut ingrediatur Israel in securitate gloriae Dei.
⁸Obumbrabunt autem et silvae et omne lignum suavitatisIsrael ex praecepto Dei.
⁹Praeibit enim Deus Israel cum laetitiain lumine maiestatis suae,cum misericordia et iustitia,quae est ab ipso.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc