¹Audite verbum istud,quod ego levo super vos,planctum, domus Israel:
²Cecidit, non adiciet ut resurgatvirgo Israel;proiecta est in terram suam,non est qui suscitet eam.
³Quia haec dicit Dominus Deus:“ Urbs, de qua egrediebantur mille,relinquentur in ea centum;et de qua egrediebantur centum,relinquentur in ea decempro domo Israel ”.
⁴Quia haec dicit Dominus domui Israel:“ Quaerite me et vivetis;
⁵et nolite quaerere Bethelet in Galgalam nolite intrareet in Bersabee nolite transire,quia Galgala captiva ducetur,et Bethel erit iniquitas ”.
⁶Quaerite Dominum et vivite;ne forte invadat sicut ignisdomum Ioseph,et devoret, et non sitqui exstinguat Bethel.
⁷Qui convertunt in absinthium iudiciumet iustitiam in terram deiciunt.
⁸Qui facit stellas Pliadis et Orionemet convertit in mane tenebraset diem in noctem obscurat;qui vocat aquas mariset effundit eas super faciem terrae;Dominus nomen eius.
⁹Qui micare facit vastitatem super robustumet vastitatem super arcem affert.
¹⁰Odio habuerunt corripientem in portaet loquentem perfecte abominati sunt.
¹¹Idcirco, pro eo quod conculcastis pauperemet portionem frumenti abstulistis ab eo,domos quadro lapide aedificastiset non habitabitis in eis,vineas plantastis amantissimaset non bibetis vinum earum.
¹²Quia cognovi multa scelera vestraet fortia peccata vestra,opprimentes iustum, accipientes munuset pauperes deprimentes in porta.
¹³Ideo prudens in tempore illo tacet,quia tempus malum est.
¹⁴Quaerite bonum et non malum,ut vivatis,ita ut sit Dominus, Deus exercituum,vobiscum, sicut dixistis.
¹⁵Odite malum et diligite bonumet constituite in porta iudicium,si forte misereatur Dominus, Deus exercituum,reliquiis Ioseph.
¹⁶Propterea haec dicit Dominus,Deus exercituum, dominator:“ In omnibus plateis planctus,et in cunctis viis dicetur: “Vae, vae!”;et vocabunt agricolam ad luctumet ad planctum eos, qui sciunt lamentationem.
¹⁷Et in omnibus vineis erit luctus,quia pertransibo in medio tui ”,dicit Dominus.
¹⁸Vae desiderantibus diem Domini!Ad quid vobis dies Domini?Tenebrae et non lux.
¹⁹Quomodo si fugiat vir a facie leonis,et occurrat ei ursus;et ingrediatur domumet innitatur manu sua super parietem,et mordeat eum coluber.
²⁰Numquid non tenebrae dies Domini et non lux?Et caligo sine splendore in ea?
²¹“ Odi, proieci festivitates vestraset non delector coetibus vestris.
²²Quod si obtuleritis mihi holocautomata,oblationes vestras non suscipiamet sacrificia pinguium vestrorum non respiciam.
²³Aufer a me tumultum carminum tuorum,et canticum lyrarum tuarum non audiam.
²⁴Et affluat quasi aqua iudicium,et iustitia quasi torrens perennis.
²⁵Numquid hostias et oblationes obtulistis mihi in desertoquadraginta annis, domus Israel?
²⁶Et portastis Saccut regem vestrum,et Caivan, imagines vestras,sidus deorum vestrorum, quae fecistis vobis.
²⁷Et migrare vos faciam trans Damascum ”,dicit Dominus; Deus exercituum nomen eius.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc